Breyting aðalskipulags, Hvalvörðugilslækur - niðurstaða bæjarstjórnar

Í breytingunni fellst að gert er ráð fyrir nýju 5 ha verslunar- og þjónustusvæði í landi Hofs í Öræfasveit, þar sem áður var skilgreint landbúnaðarsvæði. Heimiluð verður uppbygging á móttöku- og þjónustustöð fyrir ferðamenn þar sem haldið er út dagsferðum á áhugaverð svæði.

Umsagnir bárust frá Minjastofnun Íslands og Veðurstofu Íslands en gáfu þær ekki tilefni til breytinga á skipulaginu eftir auglýsingu.

Þeir sem óska nánari upplýsinga um tillöguna og niðurstöðu sveitarstjórnar geta snúið sér til umhverfis- og skipulagsstjóra sveitarfélagsins.

Umhverfis- og skipulagsstjóri Sveitarfélagsins Hornafjarðar