Deiliskipulag þjónustusvæðis í Skaftafelli - Lýsing

Skaftafell er einn af mest sóttu viðkomustöðum á landinu enda rómaður fyrir náttúrufegurð. Skaftafell er hins vegar undir töluverðu álagi og nálægt þolmörkum á helsta móttökusvæði og víða á gönguleiðum. Einnig er ljóst að fyrirliggjandi skipulag hentar ekki til uppbyggingar að óbreyttu m.a þar sem fyrirhuguð staðsetning þjónustuhúss mun skyggja á fjallasýn til austurs og norðausturs.

Vatnajökulsþjóðgarður hefur áhuga á því að byggja upp í Skaftafelli af miklum metnaði og skipuleggja aðstöðu af virðingu fyrir þeirri einstöku náttúru og menningarsögu sem þar er. Mikilvægt er að styðja við þá upplifun sem þarna er og styrkja. Þróa þarf móttökusvæði fyrir gesti í kringum gestastofu en einnig þarf að horfa til Skaftafellssvæðisins í heild, Morsárdals, Bæjarstaðarskógar og upplandsins upp af Skaftafellsheiði - útivistarmöguleikum og göngustígum. Skaftafell á að verða einn af fyrirmyndar áfangastöðum á landinu.

Tillagan verður til sýnis á bæjarskrifstofum að Hafnarbraut 27 frá og með 16. desember nk. til 16. janúar 2022.

Lýsing – deiliskipulag Skaftafell.

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna til 16. janúar 2022. Skila skal athugasemdum á bæjarskrifstofur Hornafjarðar, Hafnarbraut 27 eða á skipulag@hornafjordur.is.

Brynja Dögg Ingólfsdóttir, umhverfis- og skipulagsstjóri
Sveitarfélagsins Hornafjarðar