Tillaga að aðalskipulagsbreytingu, Ferðaþjónustukafli
Bæjarstjórn Hornafjarðar auglýsir hér með tillögu að aðalskipulagsbreytingu ferðaþjónustukafla samkvæmt 31. gr. skipulagslaga nr. 123/2010.
Megin markmið með endurskoðun á ferðaþjónustukafla aðalskipulagsins er að fara yfir skilmála um ferðaþjónustu með nýjar forsendur og viðmið í huga. Einnig er markmiðið að skilgreina hverskonar þjónustu og í hve ríku mæli á að heimila hana utan skilgreindra þjónustusvæða. Þar er bæði horft til uppbyggingar sem beint tengist ferðaþjónustu sem og annarrar þjónustu s.s. uppsetningu fjarskiptamastra, upplýsingagjöf og fleira.
Tillagan verður til sýnis á bæjarskrifstofum að Hafnarbraut 27 frá og með fimmtudeginum 19. desember nk. til mánudagsins 3. febrúar 2020.
Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna til mánudagsins 3. febrúar 2020. Skila skal athugasemdum á bæjarskrifstofur Hornafjarðar, Hafnarbraut 27 eða á skipulag@hornafjordur.is.
Gunnlaugur Róbertsson, skipulagsstjóri