Víkurbraut 1 og 5, Álaugarvegur 2 og Heppuvegur 5 og 7.
Bæjarstjórn Sveitarfélagsins Hornafjarðar samþykkti þann 11. apríl 2024 að auglýsa tillögu að deiliskipulagi Víkurbrautar 1 og 5, Álaugarveg 2 og Heppuveg 5 og 7 og samhliða breytingu á aðalskipulagi hvað varðar miðsvæði Hafnar.
Í breytingartillögu aðalskipulagsins felst um 0,6 ha stækkun á miðsvæði M1 á Höfn, og samsvarandi minnkun athafnarsvæðisins AT1. Byggingarheimildir eru auknar á miðsvæðinu úr þriggja hæða byggingum í fjögurra hæða byggingar. Lega þjóðvegar færist einnig til vesturs.
Tillagan er aðgengileg í skipulagsgátt, mál nr. 761/2024.
Deiliskipulagssvæðið afmarkast af lóðarmörkum Víkurbrautar 1 til suðurs, vesturs og norðvesturs, lóðarmörkum Víkurbrautar 5 til vesturs norðvesturs og austurs að gatnamótum Víkurbrautar og Álaugarvegar. Lóðarmörkum Álaugavegar 2 til norðurs, austurs og suðurs og lóðarmörkum Heppuvegar 5 og 7 til suðurs að Víkurbraut.
Meginmarkmið skipulagsins er að styrkja miðbæ Hafnar með fjölbreyttri uppbyggingu þar sem tekið er tillit til manneskjulegs umhverfis svo unnt sé að skapa lifandi miðbæjarkjarna þar sem gott mannlíf þrífst til samræmis við áherslur aðalskipulags sveitafélagsins Hornafjarðar.
Mörk gildandi deiliskipulagsáætlana, sem eru að hluta innan skipulagssvæðisins, verða aðlöguð að nýju skipulagi við staðfestingu nýs deiliskipulags eftir því sem við á. Þær eru:
Deiliskipulag fyrir hafnarsvæðið við Krossey frá 2014.
Deiliskipulag við Víkurbraut, Höfn – Knattleikjahús frá 2008.
Deiliskipulag Hafnarvíkur – Heppa – Höfn frá 2012.
Tillagan er aðgengileg í skipulagsgátt, mál nr. 762/2024.
Umhverfis- og skipulagsstjóri