Stækkun leikskóla á Hornafirði

Hér er um almennt útboð að ræða og lýtur þeim reglum sem um það gilda. Innifalið í tilboði skal vera allt það sem til þarf að ljúka verkinu eins og það er skilgreint í útboðsgögnum.

Lauslegt yfirlit yfir verkið
Verkið felst í að reisa tveggja deilda viðbyggingu við núverandi byggingu leikskólans Sjónarhóls.

Búið er að grafa fyrir grunni og reka niður staura og verður viðbygging grunduð á þá. Núverandi leikskóli er skráður sem matshluti 1- og er 980,1 m²- og ný viðbygging er skráð sem matshluti 2- og verður 356,72 m². Útveggir viðbyggingar verða timburveggir klæddir með ljósri álklæðningu. Gluggar- og útihurðir eru ál-tré kerfi- og þak er hefðbundið loftað timburþak, klætt með þakpappa. Viðbyggingin skal að framkvæmdum loknum hljóta norræna Svansmerkið fyrir umhverfisvæna hönnun og efnisval.

Helstu verkþættir

Um er að ræða jarðvinnu og lagnir í grunni, stálvirki, timburburðargrind, lagnir, raflagnir, ytri- og innri frágang.

Vettvangskönnun á verkstað
Vettvangskönnun verður haldin með tilboðsgjöfum eftir óskum. Nákvæm tímasetning og fyrirkomulag vettvangskönnunar verður skv. samkomulagi aðila. Bjóðendur eru hvattir til að mæta í vettvangskönnun og kynna sér aðstæður á verkstað.

Útboðsgögn
Útboðsgögn bera nafnið: „STÆKKUN LEIKSKÓLA Á HORNAFIRÐI – SJÓNARHÓLL“ og sundurliðast eftirfarandi:

• Útboðs- og verkskilmálar
• Teikningar og verklýsingar arkitekta, gerðar af Arkþing - Nordic ehf.
• Teikningar og verklýsingar, gerðar af Mannvit ehf. þ.e. Jarðvinna, Burðarvirki, lagnir, loftræsting, raflagnir
• Tilboðsblað ásamt tilboðsskrá

Útboðsgögn fást afhent rafrænt án endurgjalds frá og með 22.11.2023, eftir klukkan 13:00, með því að senda fyrirspurn í tölvupósti á netfangið utboð@hornafjorður.is til vara bjorni@hornafjordur.is - og óska eftir því að fá send útboðsgögn í verkið „Stækkun leikskóla á Hornafirði – Sjónarhóll “. Þá verður fljótlega sendur hlekkur til baka á þann stað sem hægt verður að sækja gögnin: Vinsamlegast takið fram í viðfangsefni pósts „STÆKKUN LEIKSKÓLA Á HORNAFIRÐI – SJÓNARHÓLL “.

Tilboðsgjafar skulu vera búnir að skila inn tilboði merktu „STÆKKUN LEIKSKÓLA Á HORNAFIRÐI – SJÓNARHÓLL. Tilboð“ eigi síðar en miðvikudaginn 20.12.2023 kl. 12:00. þau verða opnuð samtímis kl. 14:00 í viðurvist þeirra bjóðenda er þess óska.

Áskilinn er réttur til að taka hvaða tilboði sem er eða hafna öllum.

Tilboð eru bindandi í 5 vikur frá opnunardegi.

Nánari upplýsingar veita:

Björn Imsland eða Brynja Dögg Ingólfsdóttir. Sími 470-8000. Netfang utboð@hornafjordur.is til vara bjorni@hornafjordur.is