|
|
| 1. 2501004F - Ungmennaráð Hornafjarðar - 97 |
Fundargerð ungmennaráðs lögð fram.
|
| Ungmennaráð býður fræðslu- og frístundanefnd á næsta fund 3. febrúar. Nefndin fagnar boðinu og samþykkir fundargerðina. |
|
| |
| Gestir |
| Emil Örn Morávek verkefnastjóri á fræðslu- og frístundasviði. |
|
|
|
|
| 2. 202410020 - Frístundastyrkir 2024 |
Nú liggur heildarnýting frístundastyrkja fyrir árið 2024 fyrir.
|
| Heildarnýting frístundastyrkja hjá 5-18 ára börnum var 80% árið 2024. 93% barna á grunnskólaaldri nýttu frístundastyrkinn að einhverju eða öllu leyti en einungis 45% barna á framhaldsskólaaldri. |
| Nýting Frýstundastyrkja 2024 (nota2).pdf |
|
| |
| Gestir |
| Emil Morávek verkefnastjóri á fræðslu- og frístundasviði. |
|
|
| 3. 202412118 - Barnvænt sveitarfélag lokaskýrsla fyrstu aðgerðaráætlunar 2025 |
Unnið er að lokaskýrslu fyrir Barnvænt sveitarfélag og verður hún send til UNICEF á næstu dögum.
|
| Þegar aðgerðaráætlun var lokið þá var formlegu starfi stýrihóps um Barnvænt sveitarfélag lokið. Starfsfólk á fræðslu- og frístundasviði óskar eftir því að fræðslu- og frístundanefnd taki að sér hlutverk stýrihóps og verði ábyrgðaraðili verkefnisins innan stjórnsýslunnar. Verkefnastjóri sviðsins mun áfram bera ábyrgð á framkvæmd og innleiðingu eins og verið hefur og vinna í nánu samstarfi með ungmennaráði og öðrum hagaðilum. Fræðslu- og frístundanefnd samþykkir það fyrir sitt leyti og óskar eftir samþykki bæjarráðs. Einnig þakkar nefndin stýrihópnum og verkefnastjórum í gegnum árin fyrir vel unnin störf og vonast eftir að starfið haldi áfram af sama krafti og verið hefur undanfarið. |
|
| |
| Gestir |
| Emil Morávek verkefnastjóri á fræðslu- og frístundasviði. |
|
|
| 4. 202501042 - FÍÆT ályktun um áfengissölu á íþróttaviðburðum |
Ályktun frá Félagi íslenskra æskulýðs og tómstundafulltrúa FÍÆT vegna sölu áfengis á íþróttaviðburðum.
|
Fræðslu- og frístundanefnd tekur undir áhyggjur FÍÆT og styður bann við áfengissölu á íþróttaviðburðum. Í því sambandi skal m.a. bent á 5. grein í 5. kafla samnings sveitarfélagsins við Umf. Sindra frá 1. des. 2024. "Samningsaðilum er ljóst að allar reykingar, önnur tóbaksnotkun, nikótínpúðar, veip, neysla áfengis eða annarra vímuefna er óheimil í íþróttamannvirkjum í eigu Sveitarfélagsins Hornafjarðar. Undantekningar eru þegar haldnir eru viðburðir á borð við þorrablót, sjómannadagshátíð eða aðra álíka stórviðburði.
Einnig vill nefndin hvetja til varfærinnar umgengni við áfengi og niktótínvörur almennt og minnir á að þær eiga aldrei samleið með íþróttum hvort sem þær eru seldar á íþróttaviðburðum eða ekki. |
| Ályktun FÍÆT um áfengissölu á íþróttaviðburðum.pdf |
|
| |
| Gestir |
| Emil Morávek verkefnastjóri á fræðslu- og frístundasviði. |
|
|
| 5. 202412117 - Íþrótta- og frístundaskóli |
Eins og fram kemur í samningi Sveitarfélagsins Hornafjarðar við Umf. Sindra frá 1. des. 2024 er lögð áhersla á að vinna að samþættingu skóla, íþrótta, frístunda og lista á meðal grunnskólabarna sérstaklega yngri barnanna. Jafnramt kemur fram í samningnum að í samræmi við almenna stefnu um samfelldan skóladag barna eru samningsaðilar sammála um að Umf. Sindri komi að undirbúningi og skipulagningu heildstæðs grunnskóladags barna í 1.-4. bekk. Markmiðið með þessu er að tryggja að öll börn á þessum aldri fái að kynnast fjölbreyttu íþróttastarfi félagsins auk annars frístundastarfs enda er talið að það ýti það bæði undir heilbrigðan lífsstíl á fullorðinsárum og fjölgi í hópi afreksfólks.
|
Farin er af stað undirbúningsvinna með það að markmiði að breyta fyrirkomulagi við þjálfun yngstu barnanna svo þau geti kynnst öllum íþróttum án þess að þurfa að velja eina íþrótt umfram aðra. Lögð verður áhersla á að fá alla aðila að borðinu. Kynna vel hugmyndafræðina að baki þessa og fá alla aðila til að koma að mótun þess fyrirkomulags sem verður fyrir valinu.
|
|
| |
| Gestir |
| Emil Morávek verkefnastjóri á fræðslu- og frístundasviði. |
|
|
| 6. 202201046 - Hönnun.Stækkun leikskóla á Hornafirði - Sjónarhóll |
Nú styttist óðum í að viðbygging við Sjónarhól verði tekin í notkun en stefnt er að því að það verði í byrjun apríl. Á leikskólanum eru nú 115 börn og einungis 2 á biðlista en í byrjun apríl verða þau 8. Fljótlega eftir að viðbyggingin verður tekin í notkun ættu öll börn að komast að á leikskóla við 12 mánaða aldur.
|
| Nú er eru starfsfólk og nemendur á Sjónarhóli farnir að sjá fyrir endann á framkvæmdum og eftirvænting komin í hópinn. Stefnt er að því að opna inn í eldra húsið á næstu dögum. Fræðslu- og frístundanefnd stefnir að því að skoða bygginguna á næsta fundi. |
|
| |
| Gestir |
| Elínborg Hallbjörnsdóttir aðstoðarleikskólastjóri, Svava Kristín Þorsteinsdóttir fulltrúi starfsmanna og Sunna Jónsdóttir fulltrúi foreldra |
|
|
| 7. 202412115 - Lykiltölur úr rekstri sveitafélagsins 2023 - leik og grunnskólar myndræn framsetning |
Farið yfir lykiltölur í myndrænni framsetningu úr rekstri leik- og grunnskóla í sveitarfélaginu.
|
Rekstrarkostnaður leikskólanna breyttist lítið milli áranna 2022 og 2023. Rauntölurnar hækkuðu í samræmi við verðlagshækkanir en hlutfall leikskólagjalda af rekstrarkostnaði og rekstrarútgjöld sem hlutfall af skatttekjum var óbreytt. Fjöldi barna á stöðugildi lækkaði úr 3,4 í 3,1. Áhyggjuefni er hversu lágt hlutfall leikskólakennara er hjá okkur, einungis 17%.
Í Grunnskólunum fjölgaði hinsvegar réttindakennurum úr 67,6 í 71,9% á sama tíma og nemendum á stöðugildi kennara fækkaði úr 7,6 í 6,6. Sem hlutfall af skatttekjum lækkaði rekstrarkostnaður grunnskóla um 0,1%.
Athygli vekur tiltölulega lítill rekstrarkostnaður skólanna í samanburði við fjölda íbúa og markast það væntanlega af því hversu fá börn eru miðað við fjölda íbúa og hvað þeim hefur hlutfallslega fækkað síðustu ár. Árið 2007 þegar Grunnskóli Hornafjarðar var stofnaður voru 339 nemendur í honum en íbúar í kringum 2100 (voru 2086 árið 2010). Núna eru íbúar sveitarfélagsins 2732 en nemendum í Grunnskóla Hornafjarðar hefur fækkað um 101 og eru nú 238.
|
| Leikskóli rekstrarkostnaður 2023 myndræn framsetning.pdf |
| Leikskóli rekstrarkostnaður 2022 myndræn framsetning.pdf |
| Grunnskólinn rekstrarkostnaður 2023 myndræn framsetning.pdf |
| Grunnskóli rekstrarkostnaður 2022 myndræn framsetning.pdf |
|
| |
| Gestir |
| Þórdís Þórsdóttir skólastjóri Grunnskóla Hornafjarðar |
| Elínborg Hallbjörnsdóttir, Svava Kristín Þorsteinsdóttir fulltrúi starfsmanna og Sunna Jónsdóttir fulltrúi foreldra |
|
|
| 8. 202412116 - Þarfagreining vegna Grunnskóla Hornafjarðar |
Á síðasta fundi fræðslu og frístundanefndar 11. desember 2024 var óskað eftir því að fá starfsmenn af mannvirkjasviði á fund nefndarinnar til skrafs og ráðagerðar við að móta næstu skref í þarfagreiningu fyrir grunnskólann.
|
Fræðslu- frístundanefnd leggur áherslu á að tekið verði tillit til þarfa Grunnskóla Hornafjarðar við uppbyggingu íþróttahúss og ekki gengið á svæði sem gæti þurft að nota undir viðbyggingu við Heppuskóla og skólalóð.
Mikil umræða átti sér stað um húsnæði Grunnskóla Hornafjarðar og framtíðarsýn fólks varðandi húsnæði hans. Ljóst er að elsti hluti Hafnarskóla er í slæmu ástandi og það er mat starfsmanna að það borgi sig ekki að fara í endurbætu á þeim hluta. Fræðslu- og frístundanefnd minnir á að ákveðið var fyrir nokkrum árum að stefna að því að skólinn fari undir eitt þak við Heppuskóla. Því leggur nefndin til að stofnaður verði starfshópur um húsnæðismál Grunnskóla Hornafjarðar sem mannaður yrði á breiðum grunni hagaðila. |
|
| |
| Gestir |
| Þórdís Þórsdóttir skólastjóri Grunnskóla Hornafjarðar |
| Bartek Andresson Kass og Björn Þór Imsland frá mannvirkjasviði |
|
|
| 9. 202402127 - Íþróttahús - hönnun |
Á fundi stýrihóps 12. desember sl. lýstu fulltrúar D og K lista stýrihópsins sig fylgjandi tillögu A, stakstæðri byggingu á malarvellinum og að fimleikarnir færu í núverandi íþróttahús. Fundargerð lögð fram til kynningar.
|
| 25. fundur í stýrihóp um nýtt íþróttahús 12. desember - (1).pdf |
|
|
|
