|
|
| 1. 202108112 - Fyrirhugað sorpútboð 2023 |
Framlagt minnisblað um vinnu við gerð útboðslýsingar fyrir sorphirðu, rekstur söfnunarstöðvar og rekstur urðunarstaðar ásamt jarðgerð.
|
| Umhverfis- og skipulagsnefnd felur starfsmanni að vinna málið áfram í samræmi við umræður á fundinum. |
|
|
|
| 2. 202301036 - Hornafjörður náttúrulega |
Átaksmánuður um umhverfis- og loftslagsmál kynntur og aðgerð vegna sorpflokkunar í stofnunum.
|
| Umhverfis- og skipulagsnefnd fagnar átaksmánuði í umhverfis- og loftslagsmálum í apríl og hvetur starfsfólk sveitarfélagsins og íbúa til virkrar þátttöku. |
|
|
|
| 3. 202303132 - Handleiðsla sveitarfélaga í gerð loftslagsstefnu |
Framlagt minnisblað um verkefni Samtaka sunnlennskra sveitarfélaga (SASS) sem snýr að handleiðslu sveitarfélaga við gerð loftslagsstefnu.
|
| Umhverfis- og skipulagsnefnd leggur til að sveitarfélagið taki þátt í verkefninu og nýti tækifærið til að vinna aðgerðaráætlun við umhverfis- og loftslagsstefnu sveitarfélagsins sem samþykkt var 2022. |
|
|
|
| 4. 202303122 - Breyting á ÍB5 á Höfn - Breyting á aðalskipulagi |
Lögð er fram skipulagslýsing vegna breytingar á aðalskipulagi og nýs deiliskipulags.
|
| Umhverfis- og skipulagsnefnd leggur til að skipulagslýsing verði kynnt skv. 30.gr og 40. gr. skipulagslaga nr. 123/2010. Málinu vísað til bæjarstjórnar. |
| A1645-001-U01 Stækkun íbúðarsvæðis ÍB5 - lýsing.pdf |
|
|
|
| 5. 202302008 - Deiliskipulag íbúabyggðar vegna ÍB5 |
Áform um fyrirhugað deiliskipulag ÍB5 lagt til umræðu. Jóhanna Helgadóttir frá Nordic Office of Architecture kemur inná fundinn.
|
| Umhverfis- og skipulagsnefnd þakkar fyrir kynninguna. |
|
|
|
| 6. 202303089 - Reiðvegur við Mánagarð - breytt lega |
Hestamannafélagið Hornfirðingur óskar eftir leyfi til að færa reiðveg á skipulagi við Mánagarð suður fyrir núverandi þjóðveg 1. Meðfylgjandi er uppdráttur til skýringar.
|
Reiðvegir í aðalskipulagi Sveitarfélagsins Hornafjarðar eru sýndir skematískt á korti og ekki tekin bein afstaða til þess hvoru megin þjóðvegar reiðvegir liggja. Almennt er gert ráð fyrir reiðvegi meðfram þjóðvegum og telur umhverfis- og skipulagsnefnd því ekki þörf á breytingu á skipulagi og heimilar færslu reiðvegar í samræmi við umsókn.
|
| Reiðvegur við Mánagarð.pdf |
|
|
|
| 7. 202303110 - Fyrirspurn til skipulagsstjóra - Hafnarbraut 34, breyting á notkun |
Karl Jóhann Guðmundsson, f.h. Nailed It ehf., sendir fyrirspurn til umhverfis- og skipulagsnefndar hvort samþykki sveitarfélagsins fáist til að nota tímabundið húsnæði fyrirtækisins að Hafnarbraut 34 sem íbúðarhúsnæði fyrir starfsfólk fyrirtækis. Fyrirhugað tímabil er frá maí 2023 til og með ágúst 2024. Gert er ráð fyrir því að nauðsynlegar breytingar fara fram á húsinu til að uppfylla viðeigandi kröfur.
|
Í gildi er deiliskipulag Miðbær Hafnar m.s.br. fyrir reit A. Þar kemur fram í sérskilmálum fyrir svæði austan Hafnarbrautar að nýting 1. hæðar er bundin við verslun og þjónustu. 2.hæð er óbundin og getur hýst t.d. skrifstofur eða smáíbúðir. Auk þess kemur fram að skipulaginu er ætlað að stuðla að uppbyggingu atvinnu- og þjónustuhúsnæðis í miðbæ Hafnar.
Fyrirhuguð áform eru ekki í samræmi við aðal- og deiliskipulag á svæðin og getur nefndin því ekki samþykkt breytingu á húsnæðinu. |
|
|
|
| 8. 202303111 - Holt á Mýrum - breyting á aðalskipulagi |
Bæjarstjórn Sveitarfélagsins Hornafjarðar gerir hér með breytingu á íbúðarsvæði ÍB 12 í Holti á Mýrum. Breytingin snýr að fjölgun íbúða á svæðinu.
|
| Umhverfis- og skipulagsnefnd samþykkir að gera óverulega breytingu á aðalskipulagi skv. 2. mgr. 36. gr. skipulagslaga þar sem tillagan hafi ekki verulegar breytingar á landnotkun í för með sér eða sé líkleg til að hafa mikil áhrif á einstaka aðila eða hafa áhrif á stór svæði. Málinu vísað til bæjarstjórnar. |
| 102853 ASK-001-V01-Kyljuholt skilmálabreyting.pdf |
|
|
|
| 9. 202303124 - Fyrirspurn vegna efnistöku í Djúpá |
Vegagerðin óskar eftir afstöðu sveitarfélagsins til breytingar á afmörkun efnistöku í Djúpá. Ekki er um að ræða breytingar á efnismagni en skv. framkvæmdaleyfi er heimilt að taka 200.000 m3 úr Djúpá. Þess er óskað að heimilt verði að taka efni ofan brúar við Holtasel. Tilgangurinn er að koma til móts við bændur á svæðinu og Landgræðsluna sem hafa áhyggjur af flóðum sem hafa í nokkur skipti gert mikinn óskunda í fjárhúsum þar nærri, einnig gæti áin skemmt veginn inn að Haukafelli sem þarna liggur meðfram ánni á þessu svæði.
|
| Umhverfis- og skipulagsnefnd heimilar að unnin sé óveruleg breyting á aðal- og deiliskipulagi þar sem afmörkun á námu E44 er breytt í samræmi við framlögð gögn. |
|
|
|
| 10. 202210004 - Byggingarleyfisumsókn - Hafnarbraut 16, viðbygging, breyting á innra skipulagi |
Þann 25.10.2022 samþykkti bæjarstjórn að veita megi leyfi til fyrirhugaðrar framkvæmdar á lóð Hafnarbraut 16 án deiliskipulagsgerðar. Nýlega fór fram ástandskoðun á húsi þar sem m.a. kom í ljós að plöturnar á milli gólfa eru einangraðir með sandi. Með tilliti til nútímakrafna um öryggi og gæði óskar lóðarhafi eftir að vinna nýjum aðaluppdrætti fyrir Hafnarbraut 16 með þeim breytingum á útliti og umfangi hússins sem framlagðar teikningar sýna. Gamla húsið verður endurbyggt í upprunalegu útliti að undanskildum gluggum og svölum sem er bætt á norðurhlið þess til að tryggja að gildandi brunavarnarreglur séu uppfylltar. Þakskegginu verður þó breytt úr steinsteypu í hefðbundna ál/stál rennu. Viðbyggingin er einfölduð og stækkuð. Sama breidd er á viðbyggingu og er í gamla húsinu. Niðurstaðan er bygging sem hefur 9 gæðaíbúðir af ýmsum stærðum, þar af 3 sem uppfylla kröfur um algilda hönnun. Á lóðinni verða 9 bílastæði, þar af 3 fyrir hreyfihamlaða. Hæðarmunur við aðliggjandi lóðir verður leystur með steyptum stöðveggjum.
|
| Umhverfis- og skipulagsnefnd samþykkir að grenndarkynna erindi sömu íbúum og hafa fengið kynningu á eldri tillögu, skv. 1.mgr. 44.gr. skipulagslaga. |
| 2215-FRUMDRÖG-6-int.pdf |
|
|
|
| 11. 201905058 - Landeignaskrá: Hafnarbraut 13 og 13a - stofnun lóða |
Svæði við hliðina á gömlu sundlauginni hefur verið autt í marga áratugi. Gert er ráð fyrir því að stofnuð verði ca. 354 fm lóð Hafnarbraut 13 um þetta svæði samkvæmt meðfylgjandi lóðarblaði. Ekki er til gildandi deiliskipulag fyrir svæði, en lóðin hefur verið afmörkuð m.a. í lóðarleigusamningi fyrir lóð Hafnarbraut 11.
|
| Umhverfis- og skipulagsnefnd leggur til við bæjarráð að samþykkt verði að auglýsa lóðina lausa til úthlutunar. Á meðan deiliskipulag fyrir svæði er ekki í gildi verður uppbygging á lóðinni háð samþykki bæjarstjórnar, að undangenginni grenndarkynningu sbr. 44.gr. skipulagslaga. Uppbygging skal vera í samræmi við aðalskipulag, landnotkun, byggðamynstur, þéttleika byggðar og götumynd elsta hluta Hafnarbrautar. |
| Hafnarbraut 13 - Lóðarblað.pdf |
|
|
|
| 12. 202303134 - Umsögn - Tillaga til þingsályktunar um landbúnaðarstefnu til ársins 2040 |
Atvinnuveganefnd Alþingis sendir yður til umsagnar tillögu til þingsályktunar um landbúnaðarstefnu til ársins 2040, 914. mál.
Þingskjalið er hægt að sækja á vef Alþingis:
https://www.althingi.is/altext/pdf/153/s/1430.pdf
|
| Lagt fram til kynningar. |
|
|
|
