Breytingar á sorphirðu að ljúka
Breytingar á sorphirðukerfinu í sveitarfélaginu hafa verið í vinnslu undanfarið og við kunnum að meta þolinmæði ykkar og samvinnu í gegnum þetta ferli.
Nú fer breytingaferlinu að ljúka en enn gætu verið rangar tunnur í einhverjum fjölbýlis- eða fjöleignarhúsum. Við höfum þegar haft samband við eigendur ákveðinna fasteigna eða húsfélög þeirra til að ganga frá nauðsynlegum lagfæringum.
Ef einhver heimili hafa enn ekki fengið tunnurnar sem þau skráðu sig fyrir í byrjun árs, biðjum við ykkur vinsamlegast að hafa samband við okkur í síma 470 8000 eða með tölvupósti á xiaoling@hornafjordur.is eða afgreidsla@hornafjordur.is eins fljótt og auðið er svo við getum klárað allar leiðréttingar.
Ef þið hafið hug á að gera breytingar á skráningu ykkar á tunnum, vinsamlegast hafið eftirfarandi í huga:
- Blandaður úrgangur, pappír og plast er tekið á 4 vikna fresti, en lífrænn úrgangur á 2 vikna fresti.
- Heimili verða að hafa nægilegan fjölda tunna til að tryggja að allur úrgangur sé geymdur rétt. Sveitarfélagið krefst þess að öll heimili flokki úrganginn rétt og að hann passi í viðeigandi tunnur. Ef ekki er farið eftir þessu getur sorphirðu verið hætt þar til úr hefur verið bætt.
- Ákvörðun um fjölda tunna skal tekin af húsráðanda eða húsfélagi, þar sem það hefur bein áhrif á gjöld fyrir sorphirðu og fasteignagjöld. Nánari upplýsingar er að finna á vefsíðu sveitarfélagsins: https://www.hornafjordur.is/thjonusta/umhverfid/uppsetningar-leidbeiningar.
Þökkum fyrir samvinnuna og skilninginn.