Álagningu fasteignagjalda í Sveitarfélaginu Hornafirði fyrir árið 2018 er nú lokið. Álagningarseðlar eru birtir rafrænt á vefsíðunni www.island.is undir „Mínar síður“ og er innskráning með veflykli ríkisskattstjóra eða rafrænum skilríkjum.

Bæjarráð samþykkti á fundi sínum þann 29. janúar breytingu á sorphirðu í þéttbýli, þannig að lífrænt og óendurvinnanlegt sorp verður losað á þriggja vikna fresti í stað mánaðarlega.

Vatnajökulsþjóðgarður og hluti gosbeltisins verða tilnefnd á heimsminjaskrá UNESCO en Guðmundur Ingi Guðbrandsson, umhverfis- og auðlindaráðherra og Lilja Alfreðsdóttir, mennta- og menningarmálaráðherra, undirrituðu í dag tilnefninguna fyrir hönd íslenska ríkisins. Umsóknin verður afhent heimsminjaskrifstofu UNESCO í París miðvikudaginn 31. janúar 2018.

Öll heimili í þéttbýli eiga að vera komin með lífrænt ílát sem er ætlað fyrir lífrænan úrgang.

Samstarfsnefnd vegna sameiningar Djúpavogshrepps, Sveitarfélagsins Hornafjarðar og Skaftárhrepps hefur lokið störfum.  Nefndin er sammála um að viðræður sem staðið hafa yfir frá því um mitt ár 2016 hafi verið lærdómsríkar og aukið skilning milli sveitarfélaganna varðandi stjórnsýslu, stöðu og fyrirkomulag hinna ýmsu málaflokka innan þeirra.

Menningarmálanefnd framlengir frest fyrir tilnefningar um Menningarverðlaun 2017.  

Áfangastaðaáætlun Suðurlands er unnin út frá þrískiptingu svæðisins sem dregin var fram í Markaðsgreiningu Suðurlands.

Opnir íbúafundir verða haldnir á hverju svæði í lok jan og byrjun febrúar. Fundurinn á Höfn verður 24. jan. – Nýheimum kl. 20.00.

Unnin hefur verið íbúakönnun á Suðurlandi fyrir Samtök sunnlenskra sveitarfélaga (SASS). Verkefnið var eitt af áhersluverkefnum Sóknaráætlunar Suðurlands á árinu 2017.